Social media star Kween Gaia, may imbitasyon mula kay Benjamin Alves matapos kiligin sa 'Owe My Love' star

Hindi lang basta napansin ni Benjamin Alves ang social media star at meme queen na si Gaia Polyhymnia. Nakatanggap pa ang huli ng imbitasyon mula sa Owe My Love star.

Kasama si Kween Gaia sa lock-in taping ng upcoming Kapuso rom-com series kung saan gaganap siya bilang isang chismosang kapitbahay.

At true to her character, napakalat niya ang balita tungkol sa hotness ni Benjamin. Naging viral ang kanyang stolen photo ng Kapuso hunk kung saan sinabi niyang nakagugutom daw ang kagwapuhan nito.

Nakita ni Benjamin ang kanyang post at nagkomento, “Tara… Sabay tayo kumain.”

Mapapa-#SanaAll ka talaga!

Tampok sa Owe My Love ang balik-tambalan nina Lovi Poe at Benjamin.