KMJS: Relief operations nina Jelai Andres, BNT, Ghost Wrecker, at Queen Wrecker
Ginamit ng influencers o vloggers, streamers at iba pang personalidad na may malaking following sa social media ang kanilang impluwensiya para makatulong sa mga nangangailangan sa kasagsagan ng Bagyong Ulysses.
Ilan na sa kanila ang vlogger at Owe My Love actress na si Jelai Andres, Ghost Wrecker, Queen Wrecker at grupong BNT.
Ang couple na sina Elyson Edouardo Caranza (Ghost Wrecker) at Karla Mae Golosinda (Queen Wrecker) ay kilala sa Mobile Legends community.
Gaya ng mga ibang rumesponde sa mga residenteng naapektuhan ng malawakang pagbaha at power outage dulot ng malakas na ulan at hanging dala ng bagyo, hindi nagpapigil si Elyson para maghanap at bumili ng oxygen tank para sa isang sanggol na nangangailangan nito.
Source: Kapuso Mo, Jessica Soho (FB)
Samantala, biglang pagtanaw ng utang ng loob sa mga taga-Rizal na madalas umanong mag-imbita sa kanya sa mga okasyon, personal si Jelai na naghatid ng tulong sa mga residente ng San Mateo, na labis ding binaha dahil sa bagyo.
Katuwang niya sa relief operation si Kapuso actress Kim Rodriguez.
“Naaawa ako sa kanila. Lagi kong iniisip paano kung ako 'yun? Paano kung family ko 'yun?” ani Jelai nang makapanayam ng Kapuso Mo, Jessica Soho (KMJS).
Bukod dito, nagtungo rin ang aktres sa San Mateo dog compound para maghatid ng pet food at vitamins na na-rescue sa baha.
“Mas blessed 'yung pakiramdam kasi iba 'yung kapalit na kasiyahan na ikaw 'yung nakapagbigay. 'Yung feeling na 'yon, hindi mapapalitan ng kahit ano,” aniya pa.
Source: Kapuso Mo, Jessica Soho (FB)
Itinuloy naman ng BNT o Bakla Ng Taon ang grupong binuo ng yumaong sikat na vlogger na Lloyd Cadena, ang adhikain ni Lloyd na makatulong sa mga nangangailangan.
Naglunsad ang ilang miyembro ng grupo ng kanya-kanyang donation drive para makakalap ng mga pondo, pagkain, at mga gamit na ido-donate sa mga nasalanta ng sakuna.
Source: Kapuso Mo, Jessica Soho (FB)
Panoorin ang espesyal na pagtatampok ng Kapuso Mo, Jessica Soho tungkol sa pagkakawanggawa ng mga ito: