Myrtle Sarrosa ibinahagi ang mga dapat abangan sa 'Myrtle: Still Love Me' concert
Mapapanood na bukas ng gabi si Myrtle Sarrosa sa kanyang first virtual concert na "Myrtle: Still Love Me."
Ang concert na ito ay isang celebration rin para sa 8th anniversary sa entertainment industry ng cosplayer, host, singer, songwriter, at actress.
Photo source: @myrtlegail
Kuwento ni Myrtle sa Kapuso Showbiz News, nabuo ang virtual concert mula sa isa sa mga kanta na isinulat niya noong 2016.
"It's a virtual concert and 'yung concept niya talaga came from one of the songs na isinulat ko back in 2016 from the album called Now Playing. All the songs there, ako nagsulat together with some co-writers. 'Yung isa sa mga tracks na isinulat ko is entitled 'Still Love Me.'"
Ang mensahe umano ng kanta ay tungkol sa kanyang pasasalamat sa mga fans na walang sawang sumusuporta sa kanya bilang artista.
"The song is about...parang despite all the changes that happens in life, will you still love me?"
Mapapanood sa virtual concert na ito ang kanyang mga binuong kanta sa kanyang music career.
"For this concert, this time around, instead of just doing iba't ibang covers ng other songs, nag-focus kami on the songs that I wrote in the past."
Dugtong pa ng Kapuso star, "Aside from 'Still Love Me,' yung mga singles ko like 'Label,' 'Nasaan Ka Na?,' 'Tadhana,' I'll be singing them in the concert and [also] 'Heartbroken.'"
Dapat rin abangan ang performance ni Myrtle sa virtual concert dahil ipapakita niya umano ang kanyang vulnerable side sa mga fans.
"Before kasi, I would always hold myself back sa mga live performances ko. This time, parang I became more vulnerable and I really wanted to share more of my experiences and stories in life. Mas makaka-relate sila kasi mapapakinggan nila 'yung mga songs na ako talaga 'yung nagsulat."
Panoorin ang "Myrtle: Still Love Me" virtual concert bukas ng gabi at 8:00 P.M. Tickets are available online via Ticket2Me.net.
Related content:
From game streaming to vlogging? "Game naman ako" says Myrtle Sarrosa