John Lloyd Cruz, may mensahe kay GMA Pictures president Annette Gozon-Valdes
Naging successful ang unang pagsabak ni John Lloyd Cruz sa telebisyon matapos ang mahigit apat na taon.
Sa ginanap na live show ng mid-year sale ng isang shopping application, naging emosyonal ang aktor nang batiin n'ya kanyang mga tagahanga at nagpasalamat kay Wowowin host Willie Revillame.
Matatandaang naging instrumento ang Kapuso host sa pagbabalik ng aktor sa showbiz pagkatapos mag-usap ng dalawa sa Puerto Galera. Inilahad din ni Willie na isa sa mga dapat pasalamatan pa ng aktor ay si GMA Pictures President Annette Gozon-Valdes.
"Ba't wala ka dito ma'am?" Ang pabirong sambit ni John Lloyd.
"Hindi, d'yan ka lang. Kung pwede, kami ang pupunta sa 'yo. Pahinga ka muna, pahinga ka at magkikita rin tayo," ang seryosong sabi ng aktor.
Nito lamang Biyernes (June 4) kasi, nagpost ang GMA executive sa kanyang Facebook account kung saan nya idinitalye ang pingdaanang health crisis sa pagtatapos ng Mayo.
Gayunpaman, tulad ng sinabi ni Willie, nanunood ito sa kanilang live show at sumusuporta sa pagbabalik ng aktor sa showbiz.
Samantala, balikan dito ang naging buhay ni John Lloyd Cruz sa labas ng showbiz:
RELATED FEATURES:
Willie Revillame, magpo-produce ng sitcom nina John Lloyd Cruz at Andrea Torres?
WATCH: John Lloyd Cruz, emosyonal na nagpasalamat kay Willie Revillame