Oh My Baby: Hinuli si Charie ng mga pulis | Week 2

Sa ikalawang linggo ng Oh My Baby, hinuli si Charie (Jang Na-ra) ng mga pulis dahil sa kaso ng pakikipagsabwatan sa pekeng sperm donor. Pero agad namang nilinis ni Gerry (Park Byung-eun) ang pangalan ni Charie sa mga pulis.

Nang malaman ng nanay ni Charie ang nangyari sa kanya, hindi naiwasang magkaroon ng sagutan sa pagitan nilang dalawa. Ayaw lamang ng nanay ni Charie na maging isang single mom ito tulad niya. Mas gusto niya pa ring makahanap ng mapapangasawa ang anak.

Dahil sa nangyari, umalis si Charie sa bahay nila at umiyak sa daan. Nakita naman siya ni Christian (Ko Jun) at agad na dinamayan. Pinagaan din nito ang loob ni Charie at sinabing ayos lamang na maging immature paminsan-minsan.

Samantala, hindi pa rin sumusuko si Charie na makahanap ng sperm donor. Kaya naman inaya niyang kumain sina Christian, Gerry at Darren (Jung Gun-joo). Nangunguna sa listahan ni Charie bilang best donor si Darren dahil sa malusog ito at bata.

Dahil sa selos kay Gerry, kinumpronta ni Christian si Charie na huwag na siyang humanap ng kung sino-sinong lalaki at siya na lamang. Hindi naman agad na naintindihan ni Charie ang ibig nitong sabihin.

Si Christian na nga kaya ang hinahanap na lalaki ni Charie?

Patuloy na panoorin ang Oh My Baby, Lunes hanggang Biyernes, 11:30 a.m, at Sabado, 10:45 a.m sa GMA.

Samantala, balikan ang mga eksena sa Oh My Baby:

Oh My Baby: Gerry acts like charie's lawyer | Episode 7

Oh My Baby: Christian comforts Charie | Episode 8

Oh My Baby: Charie befriends the boys | Episode 9

Oh My Baby: Christian is not friends with Charie | Episode 10

Oh My Baby: Charie meets the drunk Christian | Episode 11

Oh My Baby: Christian and Charie go on a trip | Episode 12