Yasmien Kurdi, kinilala bilang 'Top Actress of the Year' sa Brand Asia Awards
Labis ang saya na nararamdaman ngayon ni Yasmien Kurdi dahil sa panibagong papuri at karangalan na kaniyang natanggap bilang isang aktres.
Nito lamang December 3, ang Start-Up PH actress na si Yasmien ay kinilala ng Brand Asia Awards bilang Top Actress of the Year.
Sa kaniyang latest post sa Instagram, ibinahagi ng Kapuso actress ang isang reel kung saan mapapanood ang pagtanggap niya ng kaniyang bagong trophy at ang iba pang kaganapan sa event na kaniyang dinaluhan.
Ayon sa kaniyang caption, “TOP ACTRESS OF THE YEAR, Thank you BRAND ASIA AWARDS for this recognition [heart emoji]. I am extremely honored to receive this prestigious award. Maraming salamat po! TGBTG [To God Be The Glory.”
Sa comment section ng kaniyang post, nakatanggap si Yasmien ng pagbati mula sa kaniyang asawa na si Rey Soldevilla.
Kasunod nito, malambing namang sinagot ng aktres ang komento ni Rey.
Bukod sa kaniyang asawa, nagpaabot din ng masayang pagbati kay Yasmien ang kaniyang fans at followers.
Samantala, hindi ito ang kauna-unahang award na natanggap ni Yasmien ngayong taong 2022.
Matatandaang noong Marso, pinarangalan ang StarStruck alumna bilang Asia's Valuable and Significant TV Actress of the Year sa ikalimang Asia Pacific Luminare Awards.
At nito lamang Oktubre, kinilala naman ng Diamond Excellence Awards si Yasmien bilang Outstanding TV Actress of the Year.
Patuloy na subaybayan si Yasmien bilang si Katrina 'Ina' Diaz sa ongoing GMA drama series na Start-Up PH.
SAMANTALA, TINGNAN ANG ILANG CHIC FASHION LOOKS NI YASMIEN KURDI SA GALLERY SA IBABA: