Bago pa ang announcement ni Kapuso Primetime Queen Marian Rivera ng kanyang second pregnancy, naging maingay sa mga showbiz usap-usapan na expecting ang napakagandang aktres. Balikan sa gallery na ito ang mga senyales ng pagbubuntis ni Marian.
Buntis sa pangalawang pagkakataon ang Kapuso Primetime Queen na si Marian Rivera. Ibinahagi ng aktres ang magandang balita sa kanyang social media account.
Sinegundahan naman ni Kapuso Primetime King Dingdong Dantes ang announcement ng asawa at sinabing "natupad na rin ang matagal na nilang dasal, lalong-lalo na ni Zia."
May ilang araw na ang nakakaraan nang unang mapabalita sa mga showbiz news site na may isang sikat na aktres ang diumanoay buntis ngunit ayaw pa munang magbigay ng pahayag.
Mas lalong umugong ang balita nang kumalat ang larawan ni Marian na itsurang may baby bump. Sa mga panahong ito, mas madalas na ring makitang nakasuot ng flat shoes ang aktres imbes sa nakasanayang heels.
Makaraan ang ilang araw, bumungad naman ang bagong hairdo ni Marian na ayon sa veteran showbiz columnist at talent manager na si Lolit Solis ay isa sa mga senyales na buntis si Marian.
Sa kabila ng isang matibay na senyales hindi pa rin agad nagbigay ng anunsiyo si Marian at Dingdong at ito ay dahil diumano, hinihintay ng mag-asawa ang kompirmasyon ng doktor.
Bagamat wala pang detalye kung ilang buwan na ang sinapupunan ni Marian, tinatayang nasa dalawa hanggang tatlong buwan na ito ng kanyang pagbubuntis.
Si Marian at Dingdong ay mayroon ng isang anak, ang three-year old na si Baby Zia.
Congratulations, Team Dantes!