Susubukin ng COVID-19 ang isang pamilya sa '#MPK'
Around GMA
Around GMA
Dennis Trillo amid AACA 2025 win for 'Green Bones': 'Importante, matuto 'yung mga tao sa kuwento' Son of viral PUJ driver hired by DPWH after passing board exam GMA Pinoy TV Supports OFW Empowerment at the 17th PHILSME Business ExpoArticle Inside Page
Showbiz News
Tatamaan ng COVID-19 ang isang buong pamilya ng mga nurse sa upcoming fresh episode ng '#MPK.'
Magbibigay pugay ang real life drama anthology na #MPK o Magpakailanman sa lahat ng frontliners na patuloy na lumalaban sa COVID-19 sa buong mundo sa pamamagitan ng isang napapanahong episode ngayong parating na Sabado.
Pinamagatang "Walang Iwanan: The Layug Family Story," tampok dito ang kuwento ng isang pamilya ng mga nurse na nagtatrabaho sa New Jersey, California at New York.
Mga nurse ang mag-asawang Rainier at Remy pati na ang kanilang apat na anak. Sa pagtama ng pandemya, lahat sila ay tatamaan ng COVID-19.
Paano nila ito haharapin bilang isang pamilya?
Ang award-winning actor na si Nonie Buencamino ang gaganap bilang Rainier ang padre de pamilya ng mga Layug.
Ang asawa niya at kapwa aktor na si Shamaine Buencamino naman ang gaganap bilang si Remy.
Si Rita Daniela naman ang kanilang bunsong anak na si Lea.
Huwag palamasin ang "Walang Iwanan: The Layug Family Story" ngayong Sabado, August 15, 8:00 pm sa '#MPK.'
