Kinakikiligan ngayon ang tambalang Analyn at Reagan, ang mga karakter na ginagampanan nina Jillian Ward at Jeff Moses sa hit GMA series na 'Abot-Kamay Na Pangarap.'
Mula nang maging magkatrabaho sila noon sa APEX Medical Hospital, crush na crush na ng dating janitor na si Reagan Tibayan ang genius at pinakabatang doktor sa bansa na si Dra. Analyn Santos.
Silipin ang kanilang kilig moments sa gallery na ito.
Si Reagan ang knight in shining armor ni Dra. Analyn!
Isa si Reagan sa solid supporters ni Dra. Analyn noong sumali siya sa Miss APEX 2022.
Parehong talented sina Dra. Analyn at Reagan.
Sa APEX outing, ipinagtanggol ni Reagan si Dra. Analyn mula sa bully doctor na si Dra. Zoey (Kazel Kinouchi).
Matapos ipagtanggol si Dra. Analyn kay Dra. Zoey, hindi napansin ni Reagan na magka-holding hands na pala sila ng batang doktor.
Kinilig ang APEX doctors at nurses nang makitang magkahawak ang kamay ng dalawa.
Minsan nang dumalaw si Reagan sa bahay nila Dra. Analyn. Dahil sa sobrang kaba, tila napanghinaan siya ng loob na sabihin sa batang doktor na mayroon siyang gusto rito.
Bago masesante dahil sa ginawa niya sa kotse ni Moira Tanyag (Pinky Amador), nagkaroon ng pagkakataon si Reagan na aminin kay Analyn ang kaniyang tunay na nararamdaman para sa dalaga.
Dahil nawalan ng trabaho si Reagan, hindi na naitago ni Dra. Analyn ang katotohanan na mami-miss niya ang binata. Nang magpapaalam na ito sa kaniya, agad niya itong niyakap at labis itong ikinagulat ni Reagan.
Kahit hindi na nagtatrabaho si Reagan sa APEX Medical Hospital, bumibisita pa rin siya kay Dra. Analyn at gaya dati ay nililibre niya ito ng merienda.
Dra. Analyn at Reagan, friendly bonding lang ba talaga 'yan o simple date na?
Nang muntik nang mahuli ni Dra. Zoey na ka-date ni Doc Luke (Andre Paras) si Dra. Analyn, to the rescue si Reagan para pagtakpan ang batang doktor.
Minsan nang sinabi ni Dra. Analyn na parang isang guardian angel si Reagan dahil lagi siyang sinasagip nito at tinutulungan sa mahihirap na sitwasyon.
Sweet na sweet na isinayaw ni Reagan si Dra. Analyn sa mismong birthday party nito.
May pag-asa kayang magustuhan din ni Dra. Analyn si Reagan?