Kris Bernal returns to lock-in taping for 'Artikulo 247'
Balik-taping na ngayon si Kris Bernal para sa upcoming series na Artikulo 247.
Ayon kay Kris, ikalawang lock-in taping na nila ito para sa nasabing serye kung saan bibigyang buhay niya ang palabang karakter ni Klaire Almazan.
Sa Instagram, ibinahagi ni Kris kung bakit kinakailangang magmukhang matapang ng karakter niyang si Klaire.
"To those asking kung bakit ganoon 'yung itsura ko na parang mukha akong matanda o matapang, sinadya talaga namin 'yun na ibang-iba 'yung look ko from my previous shows," pagbabahagi ni aktres.
Minsan na ring ibinahagi ni Kris ang ginagawang preparasyon para sa makaeup at damit ng karakter niyang si Klaire kung saan inaabot ito nang mahigit dalawang oras.
"It takes me [two to three] hours to create my character Klaire Almazan for [Artikulo 247]. My call time is always hours ahead of the rest of the cast,” sabi niya. "Aside from constantly dressed in a glam dress and high heels, my hair is covered with strong hold spray nets, makeup is dark and thick, and contact lenses are worn all day."
Makakasama ni Kris sa Artikulo 247 sina Rhian Ramos, Mark Herras, Benjamin Alves, Carla Martinez, Glydel Mercado, Mike Tan, Maureen Larrazabal, Denise Barbacena, Brent Valdez, at Rain Matienzo.
Abangan ang Artikulo 247 soon sa GMA Afternoon Prime.
Samantala, tingnan ang sexiest looks ni Kris Bernal sa gallery na ito: