Mainit na sinubaybayan ng Kapuso viewers ang paghaharap nina Joni (Kylie Padilla) at Golden Eye (Klea Pineda) sa 'Bolera' noong Lunes, June 27.
Nakakuha ang episode na ito ng rating na 12.6 percent base sa preliminary/overnight data ng NUTAM People Ratings ng pinagkakatiwalaang market research firm na Nielsen Philippines.
Sa paghaharap, si Golden Eye ang itinanghal na panalo sa unang laban nila ni Joni matapos na mabigong magpakita ang huli sa huling round ng kanilang laban.
Tingnan ang behind the scenes photos ni Klea Pineda bilang Golden Eye sa 'Bolera' rito:
Noong June 27, inabangan ng manonood ang paglabas ni Klea Pineda bilang Golden Eye sa 'Bolera.'
Si Golden Eye ang isa sa pinakamatinding makakalaban ni Joni (Kylie Padilla) sa billiards.
Sa unang paghaharap, nabigong manalo si Joni sa billiards laban kay Golden Eye.
Isa ito sa mga eksena kung saan hindi na nakayanan ni Joni ang ilan sa dirty tricks ni Golden Eye tulad ng pangmamaliit sa kanya.
Bukod kay Miguel "El Salvador" (Rayver Cruz), isa si Golden Eye sa billiards champions na nasa ilalim ng pangangalaga ni Cobrador (Gardo Versoza).
Sina Klea Pineda, Kylie Padilla, at Jak Roberto habang nakikinig kay Direk Dominic Zapata.
Sa likod ng maiinit na eksena, nariyan pa rin ang kulitan at tawanan ng cast.
Isa sa mga kuha ni Golden Eye habang nakikipaglaban kay Joni.
Patuloy na subaybayan si Klea Pineda bilang Golden Eye sa 'Bolera,' Lunes hanggang Biyernes, 8:50 p.m. sa GMA Telebabad.