'Dear Uge Presents:' Thea Tolentino versus David Licauco sa isang takong race

Maiipit si Loida (Thea Tolentino) sa pagpili sa pagitan ng kanyang dream business at pag-ibig para kay Andrew (David Licauco) sa kuwentuwaang pinamagatang “Isang Takong, Isang Sagot” sa Dear Uge Presents ngayong Linggo, May 23.

Isang shoeaholic, namana ni Loida sa kanyang ama ang isang shoe factory. Pero, manganganib ang kanyang negosyo dahil sa isang abusadong money lender.

Gagawin ni Loida ang lahat ng kanyang makakaya para maisalba ang kanyang business at dito niya makikilala ang negosyanteng si Andrew.

Magkakaroon ng deal sina Loida at Andrew, at kabilang dito ay isang takong race. Sa paglaban ni Loida para sa kanyang shoe business, mukhang magwawagi rin siya sa puso ni Andrew.

Kaya ba nilang paghaluin ang pag-ibig at negosyo? Alamin 'yan sa nag-iisa at nangungunang comedy anthology sa bansa, ang Dear Uge, ngayong Linggo, May 23.