Classic love team na Nova Villa at Freddie Webb mapapanood ngayong Linggo sa 'Dear Uge'

Meron bang age limit ang pag-ibig? Paano kung ang one true love mo ay 'yung first love mo na pilit bumabalik sa buhay mo?

Ang tanging hiling ni Leonora (Nova Villa) ay makahanap ng taong makakasama niya habang buhay. Sa tulong ng kaniyang kaibigan na si Ligaya (Dexter Doria), nag-set up siya ng profile sa isang dating app. Ang 'di niya alam ay nag-match siya sa kaniyang ex-husband na si Esteban.

Dahil dito na-rekindle ang kanilang romantic relationship kahit na matagal na silang hiwalay. Pero ang kanilang anak na si Yoling ay tutol sa kanilang “love affair.”

Paano kaya maitatago ni Leonora ito sa kaniyang anak?

Subaybayan ang episode na pinamagatang “My Lola's Lover” kasama ang classic love team na sina Ms. Nova Villa at Freddie Webb sa Dear Uge, ngayong Linggo 2:30 pm, pagkatapos ng Sunday PinaSaya.