EXCLUSIVE: Bakit mas gusto ni Alden Richards na nasa barangay kesa sa loob ng 'Eat Bulaga' studio?
Nilu-look forward ni Kapuso actor Alden Richards ang mga pagkakataon na nakakasama siya sa Sugod Bahay Gang sa 'Juan For All All For Juan' segment ng Eat Bulaga. Bakit kaya?
Para sa Pambansang Bae, kakaibang experience ang marinig 'first hand' ang kuwento ng mga Dabarkad.
Sa panayam kay Alden sa folio shoot ng GMA Artist Center, wala raw problema sa kanya kahit mapawisan at mapagod tuwing tanghali.
Paliwanag niya, “Iba-iba when you get to hear the story first-hand, 'yung mga story ng mga buhay ng mga tao, you really realize na maha-humble ka na lang (kasi) you are more blessed than them.”
“It's really a small price to pay. Yung reward is being able to know the stories of the people kasi ang dami. Very colorful ang buhay ng mga taga barangay.”
Isinalarawan ni Alden na 'heart and soul' ng Eat Bulaga ang 'Juan for All All for Juan' segment.
“I'm comfortable being in the APT Studios, pero iba kasi 'yung feel when you are outside. I want to get to immerse more on the barangay side, kasi basically 'Juan for All All for Juan' is Eat Bulaga.”
“Andun yung Eat Bulaga sa barangay. Sa pagpunta namin sa mga barangay and nagpapasaya kami ng mga Dabarkad when it comes to giving out prizes, especially yung nabubunot sa Juan for All All for Juan.”
Taos-puso din ang pasasalamat ni Alden Richards sa lahat ng bumubuo ng Eat Bulaga dahil binago nila ang buhay niya nang maging official siyang Dabarkad.
Ipinagdiriwang ng longest-running at multi-awarded noontime show ang kanilang 40th anniversary this month of July.
Saad ni Alden, “Nung nag-start ako sa Eat Bulaga, sobrang ang dami kong pangarap sa family ko siyempre. Sila yung priority ko, but when I entered Eat Bulaga, isa siya sa pinakamalaking blessings sa career ko in my stay here in showbiz.”
“Being in Eat Bulaga is the greatest blessing so far,” pagtatapos niya.