Around GMA

Article Inside Page

Masaya at sobrang nagpapasalamat si Patricia Coma sa pagkakataon na mapabilang sa cast ng hit series na First Lady.

Muling napapanood si Patricia sa primetime bilang si Nicole Acosta, ang isa sa tatlong anak ni President Glenn Acosta na ginagampanan ni Gabby Concepcion.

Sa press interview, sinabi ni Patricia na isang karangalan para sa kanya na makatrabaho sina Gabby at Sanya Lopez.

"Si Ate Sanya, she's the biggest right now, and Kuya Gabby, he's [a big star even] before pa, I'm just so honored na makatrabaho ko sila specially with the same scenes. Tapos mommy at daddy ko sila, sobrang natutuwa ako. Sobrang humble nila at sobrang komportable," pagbabahagi niya.

Dagdag ni Patricia, "Working with the veteran actors like Miss Pilar, Kuya Gab, Ate Sanya, and more, it's really a great experience for me kasi bago pa lang po ako rito. This is like my first support role but with a lot of scenes, sobrang saya ko na I get to work with them."

Ikinuwento rin ni Patricia kung gaano ka-supportive sa set si Sanya lalo na sa baguhang tulad niya.

"The other day I have this scene where she was there as a support hindi na kailangang kunin 'yung shot n'ya. She was there kasi para makapaghugot ako. She stayed at the scene, at the set so I was really grateful," sabi ni Patricia.

Dahil sa suportang ibinibigay ng cast sa isa't isa, natutunan ni Patricia na maging mapagkumbaba sa lahat ng oras.

"One thing I learned from all of them, baguhan ka man o you're a really big artist is to just really stay humble, stay down to earth and huwag lalaki ang ulo kasi it's just more fun to work that way.

"And sobrang nakaka-help s'ya with the other actors especially with the newbies like me. Sobrang nakakagaan ng loob, nakakasarap sa feeling na makatrabaho sila," pagtatapos ng aktres.

Patuloy na subaybayan ang First Lady, Lunes hanggang Biyernes, pagkatapos ng 24 Oras.Inside

Samantala, kilalanin ang iba pang cast ng First Lady sa gallery na ito: