'Hearts On Ice' continues to soar high ratings in its last three weeks

Matapos na makakuha ng 9.5 percent na ratings para sa episode 53 nito noong Biyernes (May 26), muling humataw sa ratings ang Hearts On Ice noong Lunes (May 29) kung saan nakakuha ito ng 9.8 percent base sa Nutam People Ratings ng pinagkakatiwalaang market research firm na Nielsen Philippines.

Sa episode 54 ng Hearts On Ice, napanood ang madamdaming eksena ni Enzo (Xian Lim) na nagdadalamhati sa biglaang pagkamatay ng kanyang ama.

Umani ng papuri mula sa manonood ang mabibigat na eksena na ito ni Xian kung saan ramdam na ramdam ang emosyong ibinuhos niya rito.

Bata pa lamang nang mawalay si Enzo sa ama dahil sa paghihiwalay ng kanyang mga magulang. Malapit si Enzo sa ama dahil dito niya nakuha ang passion sa musika. Kaya naman, ganoon na lamang ang sakit na naramdaman ng binata nang mabalitaang wala na ito, dagdag pa ang kawalan ng respeto ng ina sa pumanaw niyang ama.

Dahil sa galit at pagsisisi na hindi man lang niya nakausap at napuntahan ang ama bago ito mamatay, nilunod ni Enzo ang sarili sa alak. Hindi rin siya nagpapigil nang makiusap sa kanya si Ponggay (Ashley Ortega) na huwag magmaneho ng lasing, dahilan ng kanyang pagkakaaksidente.

Nasaksihan din sa nasabing episode ang tagos sa pusong eksena ni Ponggay habang kinakausap si Enzo sa emergency room. Sa takot na mawala ang binata na hindi man lang niya nasasabi ang tunay na nararamdaman, ipinagtapat na ni Ponggay ang pagmamahal kay Enzo.

Panoorin ang full episode 54 ng Hearts On Ice dito:

Patuloy na subaybayan ang huling tatlong linggo ng Hearts On Ice, Lunes hanggang Biyernes, 8:50 p.m. sa GMA Telebabad.

Mapapanood din ang Hearts On Ice sa Pinoy Hits, I Heart Movies, GTV (11:30 p.m.), at naka-livestream din ito sa GMANetwork.com.

TINGNAN ANG LAST TAPING DAY NG HEARTS ON ICE SA GALLERY NA ITO: