Saan humuhugot si Carmina Villarroel sa mga iyakan scenes niya sa 'Kambal, Karibal'?

Very happy si Carmina Villarroel in real life, pero ang role niya sa Kambal, Karibal ay sobrang nasaktan kaya rin puno ng iyakan scenes.

Aniya, "Ayun naman, nakakaiyak pa ako. Siguro kasi hindi ko kasi kaya na humuhugot ako from my personal [experience] kasi nga ang saya saya ko. So, parang, ano pa ba'ng pwede kong [panghugutan.] I'm not saying my life is perfect pero wala namang kaiyak iyak."

Aniya, hindi man siya nakakahugot from her personal experience, nararamdaman naman niya ang pinagdadaanan mismo ng karakter niya. Paliwanag niya, "Ever since naman ang atake ko sa mga roles ko, dinadama ko 'yung mga roles ko. So, 'yan, 'yung buong pilot week ata wala na akong ginawa kundi umiyak ng umiyak."

Kuwento pa niya, "So, nung mga first few taping days parang 'ano na nga ba ulit,' kasi syempre hindi ko pa kilala 'yung character ko. Pero after a while, ayun na nga, parang nadama ko na 'yung character ko. Siguro madali rin para sa akin kasi nanay eh, may mga anak, namatayan ng anak na kambal pa."

Bibida si Carmina Villarroel kasama sina Miguel Tanfelix at Bianca Umali sa upcoming GMA Drama na Kambal, Karibal.