Pagbabalik-tanaw nina Allan at Geraldine sa kanilang nakaraan sa 'Kambal, Karibal'

Nagkaroon ng pagkakataong makapag-usap ang dating mag-asawang sina Allan (Alfred Vargas) at Geraldine (Carmina Villarroel) matapos silang makulong sa juice bar na pagmamay-ari ng huli.

Naging daan ito para humingi ng tawad si Allan sa maling desisyon na kanyang ginawa noon na nagdulot para sila ay maghiwalay.

Pinaniniwalaan ni Geraldine na nambabae ang kanyang dating kasintahan pero nilinaw nito na hindi niya siya kayang pagtaksilan.

Balikan ang eksenang 'yan sa episode 50 ng Kambal, Karibal:

Muling ipinapalabas ang Kambal, Karibal bilang pansamantalang kapalit ng Anak ni Waray vs. Anak ni Biday. Ito ay alinsunod sa special programming ng GMA ngayong COVID-19 quarantine period.

Patuloy na subaybayan ang hit 2017 series Lunes hanggang Biyernes, 8:35 p.m., sa GMA Telebabad.

Samantala, maaaring mapanood ang full episodes ng Anak ni Waray vs. Anak ni Biday at iba pang Kapuso shows sa GMANetwork.com at GMA Network app.