Pagsagip ni Darren kay Crisan sa 'Kambal, Karibal'

Sa episode 103 ng Kambal, Karibal, pinagtakpan nina Darren (Jake Vargas) at Valerie (Maricar De Mesa) si Crisan (Bianca Umali), na nasa katawan ni Cheska (Kyline Alcantara), sa mga pulis matapos itong hanapin sa kanilang bahay.

Naniniwala si Darren na hindi kayang gumawa ng krimen ni Crisan kaya prinoteksyunan niya ito.

Balak na ring umalis ni Crisan sa mansyon para hindi madamay sa gulo ang pamilya ni Darren, pero ang binata ang pumilit sa una na manatili sa mansyon para sa kanyang seguridad.

Muling ipinapalabas ang Kambal, Karibal bilang pansamantalang kapalit ng Anak ni Waray vs. Anak ni Biday. Ito ay alinsunod sa special programming ng GMA ngayong panahon ng COVID-19 quarantine.

Patuloy na subaybayan ang hit 2017 series Lunes hanggang Biyernes, 8:35 p.m., sa GMA Telebabad.

Samantala, maaaring mapanood ang full episodes ng Anak ni Waray vs. Anak ni Biday at ng iba pang Kapuso shows sa GMANetwork.com at GMA Network app.