Dennis Trillo at Juancho Trivino, suportado ang 'FiLay' loveteam

Hindi na lang netizens at fans ang kinikilig ngayon sa mga karakter nina Barbie Forteza at David Licauco bilang sina Klay at Fidel sa pinag-uusapang GMA Primetime series na Maria Clara at Ibarra.

Consistent viral online ang mga eksena nina Barbie at David sa naturang series dahil sa kanilang cute at sweet na "bardagulan."

Maging ang co-stars ng dalawa na sina Dennis Trillo at Juancho Trivino na gumaganap naman bilang sina Crisostomo Ibarra at Padre Salvi ay nakiki-ship na rin sa kanilang nabuong tambalan na #FiLay.

Sa isang Instagram story, mala-fan na ibinahagi ni Dennis ang larawan nina Barbie at David na in-character bilang sina Klay at Fidel.

"FiLay ftw [for the win]!!!" caption ng aktor.

Sa Twitter naman, tinawag na "cuties" ni Juancho ang dalawa sa tweet ni Barbie kung saan laman ang mga larawan nila ni David.

"Mukhang team FiLay ka, PS [Padre Salvi]?" tanong ni Barbie.

"'Yan ay isa sa aking mga sikreto, katulad ng nasaan si Crispin,' Love PS," sagot naman ni Juancho.

Samantala, patuloy na subaybayan ang kuwento ni Klay sa mundo ng nobela ni Jose Rizal na Noli Me Tangere sa Maria Clara at Ibarra, Lunes hanggang Biyernes, 8:00 p.m. sa GMA Telebabad.

Maaari ring mapanood ng buo at libre via live stream ang Maria Clara at Ibarra sa GMANetwork.com simula sa October 31.

KILALANIN ANG MGA TAUHAN SA MARIA CLARA AT IBARRA SA GALLERY NA ITO: