WATCH: Nora Aunor applauded for her tearful performance in 'Onanay'

"Legendary"

'Yan ang nangingibabaw na pahayag ng netizens matapos mapanood si Superstar Nora Aunor sa February 18 episode ng hit GMA series na Onanay.

Umani ng papuri sa Twitter si Nora, o mas kilala bilang Ate Guy, dahil sa kaniyang makabagbag-damdaming pag-arte matapos malaman ang pagkamatay ng kaniyang kapatid sa serye na si Dante.

Ginagampanan ni Nora ang karakter na si Nelia, samantalang si Gardo Versoza naman ang gumaganap bilang Dante.

WATCH: Dante's heartbreaking death marks Gardo Versoza's exit from 'Onanay'

One of TVs finest scene is happening now... Galing mo talaga Ms. Nora Aunor! Slow clap... #OnanayKinatatakutan

Ayon sa ilang netizens, naalala raw nila sa nasabing eksena ang iconic scene ng Superstar sa 1976 classic film na Minsa'y Isang Gamu-Gamo, kung saan sumikat ang mga linyang "My brother is not a pig! My brother is not a pig! Ang kapatid ko'y tao, hindi baboy-damo."

Back-to-back trending din sa Twitter ang nakaraang episode ng Onanay at ang pilot episode ng Kara Mia.

Pilot episode ng Kara Mia, trending agad

Huwag palampasin ang huling dalawang linggo ng Onanay pagkatapos ng Kara Mia sa GMA Telebabad.