Lovi Poe at Benjamin Alves, nagpa-swab test para sa 'Owe My Love' lock-in taping

Malapit nang bumalik sa taping under the new normal sina Lovi Poe at Benjamin Alves para sa upcoming Kapuso rom-com series na Owe My Love. Pero bago sumabak sa lock-in taping, sumailalim muna sila at ang kanilang co-stars sa swab tests.

Reunited ang on-screen love team na sina Lovi at Benjamin nang bumisita sila sa GMA Network para sa kanilang swab tests. Kailangan nila itong gawin bilang bahagi ng safety and health measures laban sa COVID-19 sa kanilang pagbabalik-trabaho.

Ibinahagi ng Kapuso actress ang kanyang excitement sa kanyang IG stories.

Aniya, “Tara na, taping na!”

Napa-“This is it, pancit” din siya nang makita ang kanyang leading man.

Looking forward din si Benjamin sa kanilang pagbabalik-tambalan sa TV.

Bahagi niya sa kanyang Instagram post, “Owe My Swab! Lapit na mabuo ang puso.”

Kabilang sa stellar cast ng Owe My Love sina Aiai Delas Alas, Winwyn Marquez, Leo Martinez, Nova Villa, Jackie Lou Blanco, Ruby Rodriguez, Mike “Pekto” Nacua, Ryan Eigenmann, Buboy Villar, Kiray Celis, Jelai Andres, Jon Gutierrez, Jason Francisco, Divine Tetay, Donita Nose, and Mahal.