Dingdong Dantes reveals interesting common facts between him and Mikael Daez

Nagbigay si Kapuso Primetime King Dingdong Dantes ng nakatutuwang pagkakapareho nila ng Royal Blood co-star na si Mikael Daez.

Bukod sa parehong nagsisimula sa letrang "D" ang kanilang mga apelyido, ang dalawang Mr. Ds na ito ay parehong bumida bilang Carlos Miguel sa drama series na Sana Ay Ikaw Na Nga.

Napanood si Dingdong sa orihinal ng naturang serye noong 2001 at bumida naman si Mikael sa remake nito noong 2012.

Dagdag pa ni Dingdong, sa tunay na buhay ay pareho rin nilang napangasawa ang dalawang gumanap na Marimar sa Philippine television.

Bumida sa Marimar ang asawa ni Dingdong na si Primetime Queen Marian Rivera noong 2007 at ang asawa naman ni Mikael na si Megan Young noong 2015.

Kapwa mapapanood sina Dingdong at Mikael, kasama si Megan, sa pinakamalaking suspenserye ng GMA ngayong taon, ang Royal Blood.

Abangan ang Royal Blood soon sa GMA Telebabad.

TINGNAN ANG NAGANAP NA STORY CONFERENCE NG ROYAL BLOOD SA GALLERY NA ITO: