Tangkang pagpapakamatay ni Eunice sa 'Stairway To Heaven'

Sa episode 47 ng Stairway To Heaven, pinagtangkaang kitilin ni Eunice (Glaiza De Castro) ang kanyang sariling buhay dahil hindi niya matanggap ang pakikipaghiwalay ni Cholo (Dingdong Dantes) sa kanya.

Nilason niya ang kanyang sarili pero, sa kabutihang palad, naagapan ito at dinala siya ng kanyang inang si Maita (Jean Garcia) sa ospital.

Imbes na alagaan, sinumbatan pa ni Maita ang kanyang anak sa plano nitong pagpapakamatay.

Muling ipinapalabas ang Stairway To Heaven bilang pansamantalang kapalit ng Prima Donnas.

Ito ay alinsunod sa special programming ng GMA ngayong panahon ng COVID-19 quarantine.

Patuloy na subaybayan ang hit 2009 drama series Lunes hanggang Biyernes, 3:25 p.m., sa GMA Afternoon Prime.

Samantala, maaaring mapanood ang full episodes ng Prima Donnas at ng iba pang Kapuso shows sa GMANetwork.com at GMA Network app.