Pokwang, mapapanood sa 'The Boobay and Tekla Show'

By Maine Aquino

Published On: June 18, 2021, 06:50 PM

Mapapanood na ngayong Linggo ang guesting ng bagong Kapuso na si Pokwang sa The Boobay and Tekla Show.

Sa episode ngayong June 20, iwe-welcome nina Boobay at Tekla si Pokwang sa Kapuso Network.

Magkakaroon ng emosyonal na kuwentuhan ang tatlo sa "May Pa-PressCon." Ibabahagi ni Pokwang ang kaniyang dahilan sa paglipat sa GMA at iba pang mga istorya sa kaniyang buhay.

Photo source: The Boobay and Tekla Show

Siyempre hindi mawawala ang mga tawanan at kulitan sa tatlong comedy stars. Sa "Kayang-kaya, Gayang-gaya," mapapatunayan ang galing ni Pokwang sa pag impersonate ng iba't ibang personalidad. Sa segment naman na "Don't English Me", sina Pokwang, Boobay at Tekla makikipag-compete sa The Mema Squad na sina Ian Red, Pepita, Bakclash Echo at Jennie Gabriel.

Abangan ang masayang episode na ito ngayong June 20, 10:15 p.m. sa GMA Network.