Patuloy na nalalagasan ang mga "Starstruck" hopefuls sa bagong season ng reality-based artista search. Kabilang sa mga hindi nakapasok sa top 14 sina Crystal Paras at Nauhel Prieto.
Malungkot man, pursigido pa rin sina Crystal at Nauhel na tuparin ang kanilang pangarap.
"I can be heartbroken now, but I need to brush it off and just keep going," sabi ni Crystal.
"I love to go back to Sydney and see my family because I miss them so much. But if I have another chance, I would love to be back," sabi ni Nahuel.
Dahil naman sa mahusay na mga payo at pag-comfort ni council member Heart Evangelista sa mga naalis na kalahok, tinatawag na "therapist" ang aktres.
"Tinanggal ka because you're meant to do something great. Why will you stop your destiny from happening? Hindi ito para sa 'yo so move on, get over that hump and go to your real destination," payo ni Heart sa naalis na hopefuls.
Kaya naman sabi ng kaniyang co-council members na sina Cherie Gil at Jose Manalo, dapat siyang magbigay ng payo batay sa kaniyang personal life experiences.
Kasama rin sa mga naalis sa kompetisyon sina Marc David at Kyle Lucasan.
--Jamil Santos/FRJ, GMA News
