Namimiligrong mabitin ang pagkuha ng isang Pinoy ng kaniyang second dose ng Pfizer vaccine sa Canada dahil nakatakda na siyang ipa-deport sa Pilipinas.

Bagaman handa naman umano si 36-anyos na si Carlo Escario, na bumalik sa Pilipinas, nakiusap siyang ipagpaliban ang pagpapa-deport sa kaniya hanggang sa maibigay sa kaniya ang ikalawang dose ng bakuna.

Though ready to return to the Philippines, a 36-year-old healthcare worker in Canada has pleaded with authorities to give him 40 more days so he could receive his second dose of the COVID-19 vaccine.

Pero ayon sa ulat ng The Star, hindi pinagbigyan ng Canada Border Services Agency, ang pakiusap ni Escario, isang health worker doon.

“The risk of infection exists everywhere, but I am not convinced that the risk is higher in the Philippines than it would be in Canada,” saad ng border official.

“Escario received the first shot of the Pfizer vaccine, which would indicate that he is protected even more than many unvaccinated people in the Philippines,” dagdag nito.

Nagtatrabho si Escario sa Toronto General Hospital bilang hemodialysis assistant mula noong 2014.

Dumating siya sa Canada noong 2007 at naging permanent resident noong 2010. Gayunman, pinawalang-bisa ang kaniyang status pagkaraan ng tatlong taon dahil sa misrepresentation sa kaniyang permanent residence application.

Natanggap ni Escario ang first dose ng Pfizer vaccine noong Pebrero at sa June 11 sana niya makukuha ang kaniyang second shot.

Pero itinakda ang kaniyang deportation ngayong May 13.

“I am very worried about getting COVID-19 because I do not want to get sick and rely on the health care in the Philippines,” sabi ni Escario.

Napag-alaman na maging ang mga magulang ni Escario ay nagpositibo sa virus. Naging mahirap umano ang pagpapagamot nila dahil sa kakapusan sa pera.

“I am unlikely to receive a Pfizer vaccine on return to the Philippines because the country is primarily administering the Chinese Sinovac and Russian Sputnik vaccines, which worries me,” saad niya.

“I sincerely hope that Canada will consider my work as a front-line health care worker and find that I am deserving of a short deferral of my removal,” dagdag niya.—FRJ, GMA News