Traffic enforcer na may epilepsy, patuloy sa pagganap sa kaniyang tungkulin

Sa tuwing naka-duty, nakabilad sa araw ang MMDA enforcer na si Jefprex. Nalalanghap niya ang alikabok at usok sa EDSA, at nasasagap pati ang galit ng mga natatrapik na motorista at pasahero.

Ang lahat ng iyan, tinitiis ni Jefprex upang magampanan ang kaniyang tungkulin bilang traffic enforcer kahit pa mayroon siyang epilepsy at minsan na ring nakaranas ng seizure sa kaniyang trabaho.

Sa kabila ng peligro, bakit nga patuloy pa rin siya sa pagtatrabaho? Kilalanin si Jefprex sa ulat na ito ni Ivan Mayrina sa programang "i-Witness."