Sinentensiyahan ng kamatayan sa pamamagitan ng firing squad ang isang lalaki na nagpuslit umano ng hit Netflix series “Squid Game” sa North Korea. Nangyari ito makaraang mabisto ang pitong kabataan na nanonood ng nasabing serye na gawa ng South Korea.
Ayon sa ulat ng Radio Free Asia (RFA), isang private non-profit news service na pinondohan ng Amerika, nakuha ng lalaki sa China ang naturang palabas at ibinenta ang kopya nito gamit ang flash drives.
“This all started last week when a high school student secretly bought a USB flash drive containing the South Korean drama ‘Squid Game’ and watched it with one of his best friends in class,” ayon sa source ng RFA na mula sa awtoridad sa North Hamgyong province.
“The friend told several other students who became interested, and shared the flash drive with them,” dagdag nito. “They were caught by the censors in 109 Sangmu, who had received a tipoff.”
Hinatulan umano ng habambuhay na pagkabilanggo ang estudyante bumili ng flash drive. Habang five years of hard labor naman ang parusa sa anim na estudyante.
Inalis naman sa trabaho ang ilang opisyal ng paaralan.
“The government is taking this incident very seriously, saying that the students’ education was being neglected. [They] dismissed the school principal, their youth secretary, and their homeroom teacher,” ayon sa source.
“They were also expelled from the party. It is certain that they will be sent to toil in coal mines or exiled to rural parts of the country,” dagdag pa nito.
Dahil sa insidente, mas naging mahigpit na umano ang mga awtoridad ng North Korea. Iniimbestigahan din kung mayroon pang mga dayuhang panoorin na nakapasok sa merkado.
Sa batas na “Elimination of Reactionary Thought and Culture,” ipinagbabawal ng North Korea ang pagpasok ng anumang cultural materials mula sa ibang bansa tulad ng Amerika at South Korea.— FRJ, GMA News
