Kaya rin umanong bumiyahe ng mga goldfish sa lupa matapos silang turuan ng mga Israeli researcher na mag-'drive' ng sasakyan.
Sa ulat ng Reuters, makikita sa video ang goldfish na nasa loob ng "fish-operated" vehicle, na ginawa ng mga researcher mula sa Ben-Gurion University.
Nasa loob ng water tank o aquarium ang isda, na nakapatong sa robotic car na may lidar, o remote sensing technology para maigiya ng goldfish ang direksyon na pupuntahan ng sasakyan.
"Surprisingly, it doesn't take the fish a long time to learn how to drive the vehicle. They're confused at first. They don't know what's going on but they're very quick to realise that there is a correlation between their movement and the movement of the machine that they're in," ayon kay Shachar Givon.
Anim na goldfish ang isinalang sa pagsasanay, at may tig-10 driving lessons.
Kapag nakarating na sila sa kanilang destinasyon, bibigyan ng pagkain ang isda.
May ibang goldfish na mas mahusay umanong magmaneho.
"There were very good fish that were doing excellent and there were mediocre fish that showed control of the vehicle but were less proficient in driving it," sabi ng biology professor at neuroscientist na si Ronen Segev.
Makatutulong umano ang ginawang pag-aaral sa pagtuklas sa navigation skills ng mga hayop.
"We humans think of ourselves as very special and many think of fish as primitive but this is not correct," ani Segev. "There are other very important and very smart creatures."
--Reuters/FRJ, GMA News
