Teacher 'nagpapiging' sa araw ng exam ng kanyang mga estudyante

Naging viral sa social media ang blow-out ng isang teacher sa Zamboanga City sa araw ng exam ng kaniyang mga estudyante.

Sa ulat ng Unang Balita nitong Huwebes, sinabing personal umanong pera ni teacher Arnulfo Burlas Jr. ang pinambili ng pizza para kaniyang treat.

Ayon kay teacher Jun, nilibre niya ang kanyang mga estudyante upang ma-inspire sila sa kanilang exam. —LBG, GMA News