Tuwing malakas ang pag-ulan, laging nababanggit sa mga balita ang "R.Papa" LRT station sa Maynila dahil nalulubog sa malalim na baha ang bahaging ito ng lungsod. Pero sino nga ba itong si R. Papa?<br /><br />Si R.Papa ay si Heneral Ricardo Papa Sr., na iginagalang na sundalo at naging hepe ng Manila police noong 1960's.<br /><br />Kinilala ang husay niya sa paghabol sa mga smuggler at paghuli sa mga pusakal na kriminal tulad ni Leonardo Manecio, na mas kilala bilang si Nardong Putik.<br /><br />Naging commanding general din siya ng Philippine Army at Deputy chief ng Philippines Constabulary.<br /><br />Ipinangalan din sa kaniya ang Camp Ricardo Papa sa Bicutan, Taguig, kung saan dating alkalde ang kaniyang anak na si Papa Jr. -- <strong>FRJ, GMA News</strong>