'I JUANDER:' Bakit nga ba patok ang mga kontrabida sa bayan ni Juan?

I JUANDER
Bakit nga ba patok ang mga kontrabida sa bayan ni Juan?
Airing Date: April 3, 2013



Sino na nga lang ba ang mang-aapi sa bida at isusumpa ng mga manunood dahil sa abot-langit na kasamaan kung wala ang mga kontrabida? Kaya naman I Juander, bakit nga ba patok ang mga kontrabida sa bayan ni Juan?



Ang patok na remake ng Koreanovelang "Temptation of Wife," mabenta dahil sa mga kontrabida! Ano nga kaya ang sikreto ng kontrabidang si Glaiza de Castro? At nag-click rin daw ang pauso ni Marian Rivera --- ang papel niya bilang "bida-kontrabida!"



Ang nakilala naman naming Juan --w alang luho sa katawan pero talaga namang kinaiinisan! Bakit nga kaya naging kontrabida ang labanderang si Aling Channie at ang stuntman na si Artemio? Dahil nga ba sa kanilang hitsura? O baka naman may itinatago silang persona?

Huwag din palagpasin ang pagsabak ng ating mga Ka-Juander na sina Susan at Cesar sa mga maiinit na eksena... ano pa nga ba kundi bilang mga kontrabida!

Abangan din ang I Juander Kontrabida short films! Sino nga kaya ang tatanghaling bagong kontrabida sa bayan ni Juan?

Huwag na munang magtaas ng kilay at manuod ng I Juander ngayong Miyerkules, 8 PM sa GMA News TV-11!