Pasabog na linya ni Kikiam Defrensya Sentido sa 'May Tamang Balita'

DATING PANGGULONG GLORIA MACAPAL AYOYO, PICKUP LINES: IMPEACHMENT SERYE AT MGA PASABOG NA LINYA NI KIKIAM DEFRENSYA SENTIDO May Tamang Balita Airing date: February 2, 2012   Sinabi ng Commission on Selections na bilang na ang maliligayang araw ni dating panggulo Gloria Macapal-Ayoyo sa ilalim ng hospital rest dahil ililipat na siya ng pahingahan. Good news or bad news ba ito sa kanya? Ano nga kaya ang reaksyon ni Ate Glow? Eksklusibo dito sa May Tamang Balita. Sa ibang balitang may tama, mula sa Palasyo Productions … sa pakikipagsabwatan ng Partido Literal at mga Tongressman na kaalyado ni Penoy, inihahatid sa inyo ang drama…ang pamumulitika…ang pagpapa-pogi sa media…ang natatangi at numero unong telepantasya-dramaserye-historical sitcom…ang The Impeachable!!! Samantala, pakinggan nating muli ang mga di malilimutang linya ni Kikiam Defrensya Sentido sa nakaraang impeachment-serye at ang mga pasabog sa pick up lines: impeachment edition. Siyempre, hindi pa rin mawawala ang pang-ookray ni Boobay sa mga Twitter post ng mga sikat na pulitiko kasama ng mga balitang gawa-gawa na puno ng kagimbal-gimbal na patama! Tigilan na ang drama,  dapat masaya! Nuod na sa May Tamang Balita ngayong Huwebes ng gabi, 10PM pagkatapos ng State of the Nation with Jessica Soho.