Tibay ng Pinoy-made quadcore phones, susubukan ng 'Pop Talk'

POP TALK
Pinoy-Made Quadcore Phones
Airing Date: 18 June, 2013

Mga Pinoy-made android smartphones na may advance quadcore processors naman ang bibida ngayon sa Pop Talk.  Quadcore kaya  walang kasimbilis at kasingdali gamitin ang sankaterbang functions ng phone nang sabay-sabay!







Tatlong Pinoy quadcore phones ang rerebyuhin kasama ang scratch-proof na Cherry Mobile Omega HD v.2. Nariyan rin ang tinaguriang ‘selfie phone’ na Starmobile Knight, ‘pag nginitian mo ito ay automatic na kukuha ito ng picture!   Bubusisiin rin ang pinakamurang quadcore phone na ating rerebyuhin--ang Torque Droidz Motion.

Makakasama ng host na si Tonipet Gaba sa pagrerebyu ang blogger at tech expert ng Web Safety Philippines na si Sonnie Santos, ang Lady Eagle ng Ateneo Women’s Volleyball team na si Gretchen Ho at ang celebrity reviewer na Kapuso actress na si Jennica Garcia.  Huhusgahan nila ang tatlong quadcore phones base sa criteria na ‘design and features,’ ‘processing power’ at ‘value for money.’
 
Pabonggahan ng phone sa ‘Pop Talk: Pinoy-made Quadcore Phones,’ ngayong Martes, 10 PM sa GMA NewsTV!