Mga bayaning guro ng Sorsogon, kilalanin sa 'Reel Time'

NOVEMBER 10, 2018

 

Umabot na sa 75,000 ang bilang ng mga kulang na guro mula kindergarten hanggang senior high school. Kaya naman ang isang paaralan sa bayan ng Donsol sa Sorsogon, nakaisip ng solusyon sa lumalalang problema sa edukasyon. Tuwing Sabado at Linggo, binabaybay ng mga little teacher volunteer ng San Jose Elementary School ang ilog. Sakay ng isang balsa, nagtuturo ang mga batang maestro sa mga kapwa nila kabataan. Umaakyat din sila ng mga bundok para maturuang magbasa ang mga kaklase nilang madalas lumiban sa klase.

Isa sa mga batang maestro ang labindalawang taong gulang na si Dagul. Sa kabila ng hirap, bitbit ni Dagul ang pangaral ng kanyang pinaka unang guro, walang iba kundi ang kanyang sariling ina. Kaya naman nais niyang alayan ito ng tula sa kanilang muling pagkikita. Anim na buwan na kasing hindi nakikita ni Dagul ang kanyang ina.

Pero kasabay ng pagbubukas ng panibagong school year, natuklasan ng head teacher ng San Jose na si Sir Ryan na kulang ang bilang ng mga batang maestro. Ilan kasi sa kanila nagtapos na ng elementarya. Kaya naman may bagong recruit ang mga taga-San Jose, sila ang mga nanay maestra. Totoo ngang kalabaw lang daw ang tumatanda, dahil sumasama rin ang mga nanay maestra na tumawid ng ilog maturuan lang makapagbasa ang mga bata sa malalayong lugar sa kanilang bayan.

At bago nga matapos ang school year, nais pang palawigin ni Sir Ryan ang kanyang reading program. Ang kanyang pangarap, gawing zero non-reader ang buong bayan ng Donsol. Kaya naman tulak-tulak ang kanilang kariton, umiikot si Sir Ryan kasama na ngayon ang mga high school volunteers tulad ni Dagul. Sa pamamagitan nga raw ng kanyang mobile library, nais nilang ipakita sa kanilang bayan na tunay ngang ang edukasyon ang magbibigay tanglaw sa mga kabataan. Sa kasalukuyan kasi, umabot na sa 10 milyong Pilipino ang hindi marunong magbasa.

Ngayong National Reading Month, tunghayan ang kuwento ng pag-asa at inspirasyon ng mga maestro ng Donsol sa Reel Time presents Munting Tanglaw, ngayong Sabado 9:15pm sa GMA NewsTV 11.

 

English version

The numbers of inadequate teachers from kindergarten to senior high school have now reached to 75,000. This is why San Jose Elementary School in Donsol, Sorsogon started a program to attend this country’s worsening problem with education. The head teacher of the school, together with his volunteer little teachers is driven by a determination to build a community with zero non-readers. In a bamboo raft, they make sure that no child in their place will remain unschooled even if it means going against the strong currents of the river.

One of them is 12-year-old Dagul. Despite his struggles, Dagul carries in his heart the teachings of his very first teacher, her mom. This is why Dagul made poems for her mom on their next meeting, for they haven’t seen each other in six months.

As the school year reopens, teacher Ryan recognized the lack of volunteer little teachers for some of them have graduated elementary and are set to go to high school. With the belief that it takes a community to educate a child, teacher Ryan enjoined the community mothers to aid the reading program of their school. After their household chores, these mothers will brave the rivers just to reach the kids from the far-flung areas of their village.

Before this school year ends, teacher Ryan plans to widen his reading program. His dream is to make Donsol a zero non-reader town. Through his cart, a mobile library, and with his high school volunteers, they aspire to teach every child in their town and inspire them to give importance to education because today, 10 million Filipinos cannot read.

The story of hope and passion of these teachers of Donsol is on Reel Time presents Munting Tanglaw, this Saturday, 9:15pm on GMA News TV 11.