'Love kase kita!' John and Uyen Feir Love Story

Episode airing October 6, 2013
7:00 p.m. on GMA News TV




Ang pagiging dakilang production assistant, floor director at kung anu-ano pang raket sa TV production – minsan nang tinigilan at tinalikuran ng komedyanteng si John Feir.

Pero ang pagsisikap na mabingwit ang puso ng pinakamamahal niyang si Uyen, hindi niya tinigilan. Hindi siya napagod at sumuko pagdating sa kanyang love life!
 
Sa isang fast food restaurant unang nagkita sina John at Uyen. Mula sa pagiging contractual talent sa GMA-7 ay nagtrabaho bilang manager sa restaurant na ‘yun si John.



Na-love at first sight daw siya kay Uyen na nagpunta roon bilang job applicant. Si John daw ang mismong nag-interview kay Uyen at dito na niya sinimulan ang pagpapa-cute at pagdiskarte sa dalaga.

Mula sa sandaling ‘yun, dalawang taon ang lumipas bago nakuha ni John ang matamis na oo ni Uyen.

Nagbalik na sa GMA at lumalabas na bilang “Belly Flory" si John nang ang dalawa’y maging mag-“on.”

Tampok sina Kevin Santos at Vaness Del Moral, abangan ang nakakatuwang kwentong ito tungkol sa hindi pagsuko sa ngalan ng pag-ibig!

At patunay kaya si John Feir na ang mga lalaking masiyahin at magaling magpatawa ay mas nagugustuhan ng mga chicks?

Alamin sa sunod na love story na hatid ng Wagas. Abangan ngayong Sabado, October 6, 7pm sa GMA NEWS TV.