Kuwento ng isa umanong ligaw na kaluluwa, tampok sa 'AHA: Horror Fest'

 

Oct. 23, 2016
 

 

Ngayong Linggo, isa na namang ‘mini-movie’ na punong-puno ng kilabot, saya at kaalaman ang ihahatid sa inyo ng ‘AHA: Horror Fest.’

 

Tampok sina Arianne Bautista at Jak Roberto, ang ‘Maria, Maria’ ay  kuwento ng magbabarkada na naghanap ng isang kakaibang ‘sem break’ adventure.

 

Sa isang sementeryo, nakadiskubre sila ng isang kahindik-hindik na lihim na akala nila’y matagal nang nailibing sa limot. Sa pamamagitan ng isang makapanindig-balahibong laro, makakausap nila ang sinasabing ligaw na kaluluwa ni Maria na tila handang sagutin ang lahat ng kanilang mga tanong. 

 

Pero, dapat ba nilang paniwalaan ang kanilang nakikita, o pinaglalaruan lamang sila ng siyensiya?

Samu’t saring kaalaman at katatakutan ang hatid sa inyo ng ikalawang mini-movie ng AHA: HORROR FEST, kasama si Drew Arellano, Oktubre 23, 8:15 am  sa GMA.