Rochelle Pangilinan, Arthur Solinap, Lovely Abella at Atak  sasabak sa mga pagsubok ng 'Follow Your Heart'

Ang pagsigaw ng morning classic na “Taho!!!” at pangongolekta ng plastic bottles na puwede pang ibenta… level up sa Follow Your Heart ngayong Linggo!

Dalawang team ang magpapaandaran sa kalye sakay ng pedicab para sa ultimate test ng kanilang relationship goals.

Bago humarap sa altar ang engaged couple na sina Rochelle Pangilinan at Arthur Solinap, hinarap muna nila ang matinding pagsubok sa pangangalakal ng recyclable materials kasama ang Limpiado Family. Hanggang saan kaya aabot ang kanilang pagpapadyak para makakuha ng kalakal?

Ang comedy duo naman ng Sunday Pinasaya na sina Lovely Abella at Atak, tumulong sa Paguinto family sa pagbebenta ng Taho sa Marikina. Ano kaya ang strategy ng dalawa sa pagtatakal at paglalako?

Nakahanda na rin silang pumadyak at mag-shoot para manalo ang kanilang host family. Kaninong pamilya kaya mapupunta ang P50,000?

Magkakaalaman ngayong Linggo, July 9, alas-5 ng hapon sa Follow your Heart!

English:

Engaged couple Rochelle Pangilinan and Arthur Solinap will roam around Marikina City to collect recyclable materials via pedicab. They will sort and sell these materials to help their beneficiary, the Limpiado Family.
Meanwhile, comedy duo, Lovely Abella and “Atak” together with the Paguinto Family will sell the famous “Taho” in Quezon City. Aside from these street jobs, Team Archelle and Team Lovetak will take part in a series of fun games to win P50,000 for the lucky host family.
Don’t miss the ultimate test of relationship goals, Follow Your Heart this Sunday, July 9, 5pm on GMA 7.