Patok na lugar ngayong Valentines season, alamin sa ‘Good News’!

GOOD NEWS KASAMA SI VICKY MORALES
February 10, 2020

Cauliflower Power

Kung walang special someone ngayong Valentine's na magbibigay sa 'yo ng flowers, ba't 'di na lang subukan ang mga recipe naming pinagbibidahan ng  cauliflower? Umpisahan ang healthy lutuan sa almusal na Cauliflower Fried Rice. 'Di naman magpahuhuli sa sarap ang Cauliflower Pot Pies at Cauliflower Cheese Fritters. Swak namang pang-ulam ang Honey-Garlic Cauliflower Balls.

PWD-Friendly

Maraming mga lugar sa siyudad na ipinagmamalaki ang pagiging PWD-friendly. Pero tayo mismong mga Pinoy, PWD-friendly rin ba? Nagsagawa kami ng social experiment, kung saan kinasabwat namin si Nestor, isang mag-aaral na ipinanganak na iisa ang paa. Meron kayang tutulong sa kaniya sa pakikipagsapalaran niya sa daan? Kilalanin ang mga Good Samaritan na aming natuklasan.

Sama-Zambales

Hitik ang probinsya ng Zambales sa mga beach. Pero hindi lang basta-bastang beach resort ang pupuntahan ni Maey B, kungdi ang mga getaway na perfect pang-solo flight o kasama ang barkada. Samahan siya sa resort sa San Antonio kung saan nag-taping ang Marimar. Sa San Felipe, natagpuan naman niya ang resort na pang-maramihan at magaan sa bulsa. Pinasaya naman ang kaniyang sikmura ng local delicacies gaya ng giant bibingka at Mango Cassava Cake! Bumisita rin si Maey B sa isang resort na bentahe ang family-friendly activities. Gusto mo ba ng romantic date? Sa San Felipe, may intimate resort na swak sa mga in love. At dahil love ding kumain ni Maey, sinubukan niya ang local delicacies, gaya ng Zambalyete at Pinangat na Labong sa Gata.

English Synopsis

If you don't have a special someone who'll give you flowers this Valentine's, why not try recipes that feature cauliflower? Lots of places in Manila boast of being PWD-friendly. But are we, Filipinos, PWD-friendly as well? We conducted a social experiment that features Nestor, a student who was born with only one foot. Will anyone help him in his commute? The Province of Zambales is blessed with beautiful beaches. But this time, Maey B is on the hunt for beach resorts that are perfect for solo travelers and groups.