‘Lukso, Lundag, Lipad,’ dokumentaryo ni Kara David, ngayong Sabado sa ‘I-Witness’

“LUKSO LUNDAG LIPAD”

Dokumentaryo ni Kara David

AIRING DATE: OCTOBER 6, 2018

Bukod sa makapigil hiningang mga tanawin – may iba pang dahilan kung bakit dinadayo ng mga turista ang bayan ng Queenstown sa New Zealand. Ang lugar kasi na ito - itinuturing na “Adventure Capital of the World” dahil sa dami ng extreme at adventure sports na masusubukan dito.

Taong 1987 nang tumalon ang New Zealander na si AJ Hackett mula sa tuktok ng Eiffel Tower sa Paris, France nang nakatali ang mga paa sa isang espesyal na klase ng lubid. Ito ang magpapasimula sa kasikatan ng extreme sport na bungy jumping na naimbento sa bansang New Zealand --- at nasa bucket list mismo ni Kara David ang subukan ito. Kayanin kaya niyang tumalon mula sa Kawarau Bridge na may taas na isandaan at apatnapu't isang talampakan?

Tinaguriang “The World's Most Famous Swing” ang Nevis Swing sa Queenstown. Iduduyan ka nito sa taas na mahigit limandaang talampakan kaya naman isa rin ito sa mga pinaka dinarayong extreme sport sa Queenstown. Bagama't nakalulua ang taas at bilis – ni minsa'y wala pa raw naaksidente sa Nevis Swing, na susubukan ni Kara nang patalikod!

Makailang ulit na rin sinubukan ni Kara ang mag-skydiving. Pero ito ang kauna-unahang pagkakataon na tatalon siya mula sa taas na mahigit labinlimang libong talampakan. Aabot ng halos isang buong minuto ang freefall o iyong tuloy-tulog na paghulog bago bumukas ang parachute. Pero mapapalitan daw ang takot ng pagkamangha, sa ganda ng matatanaw mula sa itaas – ang bughaw na kalangitan at namumuting mga bulubundukin ng Southern Alps.

Magbaon ng lakas ng loob at tibay ng dibdib habang pinanunuod ang dokumentaryo ni Kara David na “Lukso Lundag Lipad” - ang unang bahagi ng kanilang New Zealand Special ngayong Sabado sa I-Witness, pagkatapos ng Celebrity Bluff sa GMA 7.

English version

Apart from its breathtaking scenery – there is another reason why tourists often visit Queenstown in New Zealand. Being home to numerous extreme and adventure sports – it is considered as the “Adventure Capital of the World.”

It was in 1987 when New Zealander AJ Hackett jumped off the Eiffel Tower in Paris, France – with his feet tied to a special kind of cord. This catapulted bungy jumping into a commercial success which originated in New Zealand. In fact, bungy jumping is actually one of Kara David's bucket list. Will she be able to conquer her fear as she jumps off the Kawarau Bridge at the height of one hundred forty one feet?!

Known as “The World's Most Famous Swing” - the Nevis Swing is also a major attraction in Queenstown. One will definitely feel the rush as it swings at the height of more than five hundred feet. Despite the intense height and speed, the Nevis Swing haven't had any accidents. Will Kara be able to try it --- facing backwards?!

It won't be Kara's first time to go skydiving, but jumping off the plane at fifteen thousand feet will definitely be her highest. In fact, the freefall would last for about an entire minute before the parachute deploys. But fear will quickly turn into amazement as one sets his/her eyes on the magnificent view from above --- the blue skies and the snow-capped mountains of the Southern Alps.

Join Kara David as she displays grit and mental toughness in trying out the most extreme adventure sports in New Zealand. Watch her documentary “Drop Jump Fly” (Lukso Lundag Lipad) this Saturday on I-Witness, after Celebrity Bluff on GMA 7.