'Ang Huling Gubat sa Maynila,' dokumentaryo ni Howie Severino, ngayong Sabado sa 'I-Witness'

“ANG HULING GUBAT SA MAYNILA”

Dokumentaryo ni Howie Severino

April 27, 2019

Sa init ng panahon ngayon, tila mahirap makahanap ng preskong masisilungan. Sa gitna ng masikip at mausok na Maynila, matatagpuan ni Howie Severino ang isang tagong paraiso na malamig at maaliwalas.

Ito ang Arroceros Park, ang tinaguriang “last lung” ng Metro Manila.  Sa dami ng mga puno rito, ito rin ang maituturing na huling gubat sa Maynila.  Pero halos walang nakagagamit nito dahil madalas sarado ito sa publiko.

Sa mundo na unti-unting sinasakop ng konkreto, ito ay kuwento ng kahalagan ng pagkakaroon ng malawak na luntiang espasyo sa syudad.

Ikasisira ba ng isang pamayanan ang kawalan nito ng luntiang espasyo?

Ang kasagutan dito, mahahanap ni Severino sa Arroceros Park.  Dito, may mahigit dalawampung klase ng ibon at libo-libong mga puno.  Taglay nito ang susi sa pagkakaroon ng mas maginhawang lipunan.  Dito rin nila makikilala ang isang lolo na naging kaibigan at taga-alaga na ng mga puno at ibon ng parke.

Ngunit tila nanganganib ang Arroceros.  Maraming developer ang nais bilhin ang lupa dahil sa magandang lokasyon nito.  Hangga’t hindi hayagang bukas ang parke sa publiko, tila mas mahirap proteksyunan ito.

English version

In the scorching heat in the big city, it’s hard to find relief.  Navigating the aridness of the concrete jungle, Howie Severino and his team reach a hidden paradise, feel a sudden drop in temperature and bask in a rare natural shelter from the sun.

They found Arroceros Park, said to be the last lung of Metro Manila.  It’s also a forest, the only one left in the city.  But it’s closed most of the time, inaccessible to the sweaty crowds thirsting for shade.

This documentary is a plea for more green public space in a world that’s fast being cemented.

Howie Severino and his team seek answers to the burning question, are our disappearing parks a form of collective suicide?

They search the city for answers but always come back to Arroceros with its bird diversity, its thousands of trees and its vision of a more livable city.  They also meet a wise old man who lives there who is a friend to the trees and the birds.

Alas, this last forest may not last long.  Developers eye its prime location and not enough people are allowed to visit to appreciate its value and form a human shield.