The Future Mrs. Bossing

Isang klasikong May-December love affair na maituturing ang relasyon ng seasoned actor at TV host na si Vic Sotto at ng Dabarkads na si Pauleen Luna. Tatlumpung limang taon ang pagitan ng kanilang edad, pero pinatunayan nila na hindi ito hadlang sa kanilang pagmamahalan.

 

Minsan pang naging contestant si Pauleen sa Little Miss Philipines ng Eat Bulaga, kung saan si Bossing pa ang isa sa mga nag-interview sa kaniya sa Question and Answer portion. 

 

Taong 2005 nang pumasok si Pauleen sa Eat Bulaga bilang isa sa Dabarkads. Kinalaunan, nagkaroon ng bulung-bulungan sa showbiz na nagkakamabutihan na ang dalawa. At noong 2013, inamin nila ang kanilang relasyon sa publiko.

 

Noong Setyembre 1 naman sa Eat Bulaga, marami ang nakapuna sa suot na singsing ni Pauleen Luna. Marami tuloy ang nagtanong kung engaged na sila ni Bossing? Hindi nagtagal, kinumpirma mismo ni Bossing ang balita.

 

Kahapon, eksklusibong nakapanayam ni Jessica Soho si Pauleen para sa kauna-unahan niyang TV interview matapos ianunsiyo ang kanilang engagement.

 

Narito ang ilang bahagi ng panayam:

 

Jessica Soho: Una sa lahat, Pauleen, patingin ng singsing...

Pauleen Luna: Ito po...

 

JS: Siyempre, ‘yun ang unang tinanong. Wow!

PL: It's very simple, very elegant.

 

JS: Ang ganda!

PL: Thank you!

 

JS: Ikuwento mo naman sa amin… paano nagpropose si Bossing?

PL: You know, it's very simple… nothing grand, just the way we liked it. Kasi, kami po, very low key kami. We like to keep our relationship simple. One day nilabas n’ya lang. Tapos, nagulat ako. And then, sinuot ko, actually, sa sobrang excited.

 

JS: Hindi siya ang nagsuot?

PL: Sabi niya, you like it? Then, sabi ko, ‘Oh my gosh!’ E ‘di sinuot ko. Sabi n’ya, ‘teka, ako dapat ang magsusuot sa'yo niyan…’ Then, sabi niya, will you marry me? And then, that's it.

 

JS: So, romantic pala si Bossing Vic?

PL: ‘Pag kaming dalawa. You know, very sweet, gentle and sensitive person. Hindi lahat ng tao nakikita ‘yung side n’ya na ‘yun. So I'm very lucky and blessed na I'm one of the chosen few na nakakakita nu’ng side na ‘yun ni Vic.

 

JS: Ayun nga, alam mo yun ang tinatanong ng marami e. What did it take for Pauleen na mapapropose ng kasal sa kaniya ang isa sa pinakamailap, pinaka-elusive na bachelors in town?

PL: You know what, Ms. Jessica, I really don't know. I think it's really God. Prayers talaga. It works. And, you know what they say, God changes the hearts of people... I think, ang Panginoong Diyos lang po talaga ang nagbigay nito sa amin. Kasi, he's had many relationship before pero with our relationship, it's very effortless. I think, kasi we've reached that point where we both know each other very well. We seldom fight. Sobrang minsan na minsan lang. Because I think, ‘yung fact na alam na namin ‘yung makakapagpagalit sa isa't isa, iniiwasan na lang po namin. The relationship is very smooth, parang may blessing talaga ni Lord.

 

JS: 'Yun nga, kasi sinasabi nila, Vic is not the marrying kind, 'di ba? Sorry, Bossing, nagtatanong lang po.

PL: Actually, he gets that a lot.

 

JS: And then, one day, he proposes to you.

PL: I know. I think sa maraming tao po, kahit po sa akin, surprise siya. But right now, we're very, very happy. I'm happy for myself, of course. But I'm happier for him, because finally he found someone who will really take care of him.

 

JS: Wow! Oh details ng kasal, Pauleen, kailan daw ba?

PL: Wala pa… pong puwedeng sabihin.

 

JS: Secret? Okay.

PL: No, we're starting to plan the wedding. He started writing down ‘yung mga guest and nakapili na rin po kami ng venue. But, the date, to follow.

 

JS: To be announced?

PL: Yes. Sabi nga ni Lola Nidora, sa tamang panahon.

 

JS: Totoo ba na it's going to be very exclusive? Konti lang daw ‘yung iimbitahin? ‘Yun ‘yung nasusulat na e.

PL: Opo. Well, to begin with kasi we're not a very showbiz couple. We don't have a lot of showbiz friends. We only have the Eat Bulaga friends, and only a few. So hindi naman po siguro masasabi na exclusive because there will still be people from showbusiness. But ‘yung mga totoong kaibigan lang po talaga namin, ‘yung mga close po sa amin which isn't very many.

 

JS: Pauleen, alam mo ‘yun ‘yung matagal ko nang gustong-gustong tanungin sa mga showbiz (people) who are in a relationship, lalo na yung mga very private na mga taga-showbiz. How do you keep it private, given the fact na you are from showbiz and everyone knows about the relationship?

PL: I guess, Ma'am Jess, nasa personality kasi naming dalawa e. I think, one thing that we have in common na very strong sa relationship namin is sobrang simple lang po talaga namin. Okay na po kami sa kakaunting mga kaibigan, basta trusted. Tapos, hindi rin po kami palalabas. We just stay home or like go eat dinner lang, watch movie or (go) out of town. Masayang-masayang-masaya na po kami nu’n.

 

JS: But that's very suprising because you're young. E ‘di ba, kapag bata ka, you want to enjoy your youth?

PL: I guess tapos na po ako du’n.

 

JS: Ah talaga?

PL: Yes. Sa tingin ko, na-enjoy ko naman po 'yun. There was a moment din in my life, nu’ng single po ako, I would go out to spend time with my friends and meet other people. But, I think, tapos na po ako du’n. And like what Ruby would always say, I'm an old soul. My best of friends are older than me, and I really get along very well with people who are older than me.

 

JS: Pasensya ka na, Pauleen ha, pero nabanggit mo na rin lang 'yung age and you're an old soul, baka kayo match ni Bossing kasi...

PL: Kasi siya, young soul.

 

JS: Ikaw nagsabi niyan. Bossing, siya ang nagsabi nun ha? Pero, how were you able to bridge the medyo malaking gap ninyo sa age ni Bossing?

PL: Alam ninyo po, I've been asked so many times and I still don't know the answer.

 

JS: Talaga?

PL: Yes. I think, nagmeet half way po kami. But, if you're asking me for a definite answer, I do not know.

 

JS: It's just something kasi hindi mo ma-explain nga kung bakit nagki-click ang mga tao di ba?

PL: Opo. And ‘yung sa amin po talaga effortless. We're like friends, best friends and we're partners. We have a very, very good relationship, and I don't even know how it's working this way.

 

JS: E ‘yung mga likes and dislikes ninyo, paano? E magkaiba ‘yung... kumbaga magkaiba ‘yung generation or age group ninyo?

PL: Believe it or not, ako po ang mahilig sa old music, at siya po ang mahilig sa new music.

JS: Ah talaga?

PL: Opo! And we both like watching movies. We both are into watching series. Mahilig po kami sa roadtrip, mga out of town.

 

JS: E ‘yung perspective sa buhay? Kasi hindi ba ‘yun ang importante?

PL: I think, ang pinaka-importanteng ina-apply namin sa relationship namin is we both respect each other. Kung ano man po ‘yung desisyon niya or desisyon ko, nirerespeto po namin yun. Even if he's much older than I am, he respects my decision. And even if I'm young, if he knows na I'm firm about this decision and wala naman po akong masamang intensyon, or wala naman po akong natatapakang tao, he respects it.

 

JS: Parang hindi ka nahirapan na paamuhin siya?

PL: Hindi, mabait naman po kasi ako. Siguro din po kasi kinilala ko siya nang husto. I studied kung papaano siya magalit, kung papano ko ba gagawan ng paraan para hindi kami mag-clash. Most of the time, I just let him speak or I let him say his piece, and then afterwards, I would say if I agree or disagree. Hindi po uso sa amin yung nagsisigawan, hindi rin po uso sa amin yung nagkaclash.

 

JS: So hindi... in your case, hindi totoo yung sinasabi nila na may nagdadala ng relasyon?

PL: Sa case po namin pantay na pantay. Everything, kasi nakikita ko po yung respetong binibigay niya sa akin. And alam niya rin naman po 'yung respetong binibigay ko sa kaniya. Wala pong boss sa aming dalawa… pareho lang po ang level namin, we're very equal. And pareho pong importante ‘yung mga desisyon ng isa't isa para sa amin.

 

JS: So hindi siya si Bossing? Ikaw pala ang Bossing niya, ganun ba 'yun?

PL: Hindi, sige siya na lang po 'yung Bossing, baka nanonood. But, it's nice na makita din po ng mga tao ‘yung side niya na ‘yun.

 

JS: What do you call each other? Sorry ha?

 

PL: Babe.

 

JS: Babe.

PL: Opo.

 

JS: Hindi Bae?

PL: Pwede rin, siya po ang original bae para sa akin.

 

JS: 'Yung relationship ninyo ni Bossing, ano ba kayo, 'yung very affectionate?

PL: Yes, you would say that. Puwede... ano po ba? Kasi we're like best friends.

 

JS: Ah talaga?

PL: Yes. Hindi naman kami yung inseparable, may mga taong hindi talaga mapaglayo. Kami po, we give each other space, if needed. We're like best friends and lovers, I think which is a very, very good thing sa magkarelasyon. ‘Yung matatakbuhan mo pa rin po siya kung may problema ka. He is also your best friend and you can laugh about anything and you can just be yourself, I think 'yun po 'yung maganda sa amin.
 

 

JS: So how has Vic changed you?

PL: Oh! In a lot of ways.

 

JS: Paano?

PL: Ruby and I would joke a lot about this na, na nag-crash course po ako ng maturity.

 

JS: Si Vic ba, napabago mo rin, Pauleen? Bukod sa napaamo mo siya, nagbago rin ba siya? Did you ever get to ask him that question?

PL: No, not yet. But, based on the reactions of other people, ever since daw naging together po kami, nagkaroon daw po siya ng very sunny disposition.

 

JS: Saka ang youthful naman ng vibe niya, di ba?

PL: Oo nga po e.

 

JS: Ang daya nga, he doesn't show his age e.

PL: That's true, very lucky, ang ganda po ng genes nila.

 

JS: Anong balak ninyo, Pauleen, when you get married, paano 'yung career mo? Si Bossing, I'm sure tuloy pa rin.

PL: Sinasabi niya po sa mga tao na puwede. Pero sa akin, ayaw niya na po yatang mag-soap opera ako. But, I'm sure he would still let me do Eat Bulaga and if there's like a once a week show. Pero siguro po ‘yung soap kasi takes so much of my time. And he wants that time for himself, so baka ‘yun lang po ang medyo magla-lie low na po siguro ako.

 

JS: Thank you for sharing this part of your life with us.

PL: Thank you.

 

JS: Congratulations and best wishes, sabi nga nila.

PL: Maraming salamat.

 

Ang relasyon nina Bossing at Pauleen ay isa lamang patunay na ang wagas na pag-ibig, walang piniliping edad. Dahil higit kailan pa man, ang tunay na pagmamahal, nararamdaman at dumarating... sa tamang panahon!---Carlo P. Isla / APP, GMA Public Affairs

---

Mapanonood ang "Kapuso Mo, Jessica Soho" tuwing Linggo ng gabi sa GMA. Para sa karagdagang impormasyon tungkol sa programa, sundan kami sa Facebook, Twitter at Instagram. Para naman sa impormasyon tungkol sa mga paborito n’yong Public Affairs program, sundan ang GMA Public Affairs.