Iba't ibang klase ng hamburgers, ihahain sa 'Pinas Sarap'

#PSHamburger
July 4, 2019

Burger lovers magbunyi! dahil ngayong Huwebes sa Pinas Sarap, iba’t ibang hamburgers ang ating lalantakan! Samahan din si Kara David na alamin kung paano at kailan nagsimula ang pagkahilig ng mga Pilipino sa hamburgers.

Kung paborito niyong magkakaibigan ang kumain ng burger, papatok sa inyo ang black bun pulled pork burger! Ang supersized 12-inch burger na ito, may beef patty na mahigit isang kilo ang bigat, na dinagdagan pa ng pulled pork. Pero kung kaya mong umubos mag-isa ng burger na may walong patong ng beef patty, subukan na ang tombstone cheeseburger challenge! Kapag naubos mo ito sa loob ng 10 minutes, libre na ang kinain mo.

Sa KAsaRAp, ipatitikim naman ni Kara ang kanyang homemade version ng hamburger. Sa paggawa at pagluluto ng burgers lumalabas din ang pagiging malikhain sa pagkain ng mga Pilipino. May mga burger na imbes na beef, gawa sa seafood ang patty gaya ng tahong burger at pink calamari squid burger. Gawa naman sa gulay ang patty ng el chimichuri vegan burger, table veggie burger, at coconut-teriyaki burger. Pero kung ang burger ginawang dessert titikman niyo ba? Gaya na lang ng chocolate burger at pabebe burger.

Tutok na sa pinakamasarap na programa sa telebisyon, ang Pinas Sarap, ngayong Huwebes sa bago nitong timeslot na 7:15 PM, sa GMA News TV!

English version:

Cheers to all burger lovers! This Thursday in Pinas Sarap, we will ravish different kinds of hamburgers. Join Kara David as she finds out how the Filipinos have come to love hamburgers.

If you and your friends like hamburgers, you will like black bun-pulled pork burger! This supersized 12-inch burger has beef patty that is more than one kilo in weight, with added pulled pork. But if you can finish one burger with eight layers of patty, you can try the tombstone cheeseburger challenge. When you finish this within ten minutes, your meal is free.

In KAsaRAp segment, Kara will share her homemade version of hamburger. Creativity is also used in making burgers, there are burgers that instead of beef, the patty is made from seafood like mussels burger and pink calamari squid burger. While, el chimichuri vegan burger, table veggie burger and coconut-teriyaki burger are made from vegetables. But would you still like if a burger is made to be dessert? Like chocolate burger and pabebe burger.

Please watch the yummiest food program, Pinas Sarap, this Thursday, on its new timeslot, 7:15 PM, on GMA News TV!