Tatlong gift shops, hahatulan sa 'Pop Talk'

POP TALK
‘TOY STORES’
Airing Date:  Nov. 17, 2018
#PopToyStores

Nagsimula na ba kayong mag-shopping para sa Pasko? Bukod sa malls at palengke, naghanap ang ‘Pop Talk’ ng tatlong one-stop shops ng mga laruan at iba pang pangregalo para sa inyong mga anak, pamangkin at inaanak ngayong darating na Pasko. Alin kaya sa mga ito ang pop o flop?

Isasalang sa review ang: JS Philippines Global Corp. sa Pasig, Edeng’s Toy Center sa Manila, at ang Richprime Global Inc. sa Quezon City.

Kasama ng host na si Tonipet Gaba sa pagrerebyu: ang Kapuso comedienne mula sa ‘Pepito Manaloto’ at mother of three na si Jannah Dominguez, ang daddy blogger na si Marco Polo Demo, at ang masuwerteng ‘Pop Talk’ viewer-turned-reviewer na si Maria Lea Balantac.

Unli-shopping ng mga laruan ngayong Sabado sa ‘Pop Talk: Toy Stores,’ November 17, 8PM sa GMA NewsTV.