Tahanan ng mag-inang Marlan at Miko Manguba, tampok sa 'Powerhouse'
Pangarap naman ni Marlan ang maging beauty queen noong bata pa pero maaga siyang nakapag-asawa. Hindi niya inakalang ang pangarap niyang ito ay matutupad nang ihirang bilang Mrs. World Philippines noong 2014. Suportado siya ng buong pamilya sa pagsali rito at paggawa ng charity services na tungkulin ng isang beauty queen.
Sa Quezon City matatagpuan ang tahanan ng mga Manguba. Ito’y malawak at may tatlong palapag. Nagpa-Feng Shui pa umano si Marlan para malaman ang tamang posisyon ng mga kagamitan para pumasok ang suwerte sa kanila.
Sa timog na bahagi ng bahay makikita ang red carpet sa staircase na sumisimbolo raw ng apoy ayon sa Feng Shui.
Mahilig din daw si Marlan sa chandelier kaya naman ang ceiling ng kanilang staircase may nakasabit na magarbong chandelier samantalang native chandelier naman mula sa Laguna ang makikita sa ikalawang palapag.
Sa ikalawang palapag din matatagpuan ang kanilang music room. Ito raw nag paboritong tambayan ng pamilya at maging ng banda ni Miko na Top One Project o T. O. P. Dito raw sila madalas mag-ensayo mula nang manalo sa GMA 7 reality show na To the Top.
Orange at green naman ang motif ng master's bedroom na paboritong kulay ni Marlan at kanyang asawa. Mayroon ding massage chair at bed sa loob nito. Laman naman ng walk-in closet ang koleksyon ng mahahaling bags ni Marlan gaya ng Hermes, Goyard at Chanel.
Nasa ikatlong palapag ang kuwarto ni Miko na native naman ang tema. Gawa sa capiz shells ang bintana rito. Napalilibutan din ng mga sulat at regalo na mula sa fans ni Miko ang buong silid.
Ngayong Miyerkules, samahan si Kara David na libutin ang tahanang tubog sa ginto ng mag-inang Marlan at Miko Manguba sa Powerhouse, pagkatapos ng Destiny Rose.