Asia's Songbird Regine Velasquez, ikukuwento ang kaniyang 'Tunay na Buhay'

Ang Tunay na Buhay ni Regine Velasquez
Airing: Nov 10, 2015

Tinagurian siyang Asia's Songbird dahil sa kaniyang kahanga-hangang galing sa pagkanta. Kapag siya'y bumirit, lahat ay tiyak na mamamangha. Pero bago niya narating ang kasikatan, marami muna siyang pinagdaanang mga pagsubok at kabiguan.

Ngayong Martes sa Tunay na Buhay, ikukuwento ni Regine Velasquez, ang mga tagumpay at pagkatalo sa kanyang karera, mga kuwento tungkol sa pagiging isang mabuting anak at kapatid, ang kanyang buhay bilang asawa at ina, at ilang patikim mula sa mga bago niyang handog sa kanyang milyon-milyong tagahanga. Huwag palalampasin.