Babae na may tumor sa obaryo, tampok sa 'Tunay na Buhay'

Ang "Tunay na Buhay" ni Helen Medina

Sa unang tingin, mapagkakamalang buntis si Helen Medina dahil sa laki ng kaniyang tiyan. Pero ang totoo, 2011 pa nang tumubo ang bukol sa gilid ng kaniyang tiyan at dahil sa kakulangan sa pera, hindi na niya ito napagamot pa at tuluyan na nga itong lumaki. Araw-araw ay pangamba ang dulot kay Helen ng kaniyang mabigat na ‘dinadala.’

Ngayong Miyerkules, sasamahan ni Rhea Santos sa isang gynecologist si Helen para alamin ang kaniyang tunay na kondisyon at kung ano ang pinakamabuting lunas sa kaniyang malaking bukol sa tiyan. Abangan ‘yan sa ‘Tunay na Buhay.’