Ilang Kapuso kabilang sa Most Beautiful Stars ng isang magazine

Pagdating sa kagandahan at kakisigan, hindi magpapahuli ang mga Kapuso talents matapos mapabilang ang marami sa kanila sa listahan ng most beautiful stars ng isang magazine. Sa ulat ng showbiz reporter na si Aubrey Carampel sa Chika Minute ng GMA news 24 Oras nitong Biyernes, sinabi nito na halos kalahati sa listahan ng YES! Magazine’s 100 Most Beautiful Stars of 2011 ay mga Kapuso talent. Pinangunahan ito nina Dingdong Dantes, Marian Rivera at Richard Gutierrez, na kabilang sa tinatawag na A-List category. Kasama naman sa Breakthrough category sina Gwen Zamora, Bela Padilla, Kylie Padilla, Jackie Rice, Paolo Avelino, Elmo Magalona at Rocco Nacino. Pasok din sa New Breed category ang mga Tween stars na sina Jake Vargas, Bea Binene, Louise delos Santos, Alden Richards, Christopher Martin, Joshua Dionesio at Barbie Forteza.
For the latest Philippine news stories and videos, visit GMANews.TV Tinaguriang Primetime Prince and Princesses naman sina Geoff Eigenmann, Kris Bernal, Carla Abellana, Glaiza de Castro, Aljur Abrenica, Sid Lucero at Lovi Poe. Most Beautiful Fashionistas naman sina Heart Evangelista, Solenn Heussaff, Sam Pinto, Elen Adarna, Isabelle Daza, Mikael Daez at Carl Guevarra. Nasa listahan din ang mga atleta na sina Chris Tiu at Philippine Azkals. Fit and Fabulous stars sina Iza Calzado at Jennylyn Mercado. Hindi rin nagpahuli ang mag-asawang Regine Velasquez at Ogie Alcasid, gayundin ang mga debonair daddy na sina Ryan Eigenmann at Paolo Contis. Nasa listahan din sina Mark Herras, Francheska Farr, Eugene Domingo, John Lapus at Kapuso child wonder na si Jillian Ward. - FRJimenez, GMA News