Gwen Zamora: 'I don’t know if I’m taken, but I’m dating'

Maliban sa pag-arte, susubukan din ng Kapuso actress na si Gwen Zamora magdirek ng pelikula. Sa interview na Showbiz Exclusives nitong Miyerkules, ikinuwento ni Gwen ang gagawin nitong pagdi-direk ng isang international short film. “It’s basically five countries put in to one movie. It’s an omnibus movie and the theme is about family. Parang short films from each country and there’s Japan, Indonesia, Korea, Philippines, and Thailand," masaya niyang kwento. Bago pa man mag-artista, nag-aral at kumuha ng kursong film sa kolehiyo si Gwen. Ayon pa sa kanya, “I wanted to be a director and it just so happen that I started acting before directing. So ngayon, tina-try ko both." Tinanong din ng Showbiz Exclusive hosts na sina Isabel Oli at Aubrey Carampel ang love life ni Gwen. “I don’t know if I’m taken, but I’m dating. So, I’m guessing I’m not single," pahayag ng magandang aktres. Non-showbiz daw ang dini-date ngayon ni Gwen. Mas gusto raw ni Gwen ang non-showbiz dahil mas may “privacy’’ Aminado naman siya na sina Dennis Trillo, Mark Herras, at Aljur Abrenica ang kanyang mga showbiz crush. Mapapanood si Gwen Zamora sa Boy Pick Up: The Movie, na pinagbibidahan nina Ogie Alcasid. - Mac Macapendeg/FRJ, GMA News